Último día en Portugal. Xa non nos acercamos a Lisboa, e optamos por ir a Sintra. Recomendaranos dedicarlle un dia, pero coido que non é abondo. A vila en si non é moi grande, e o bonito está nas aforas. Nos optamos por visitar o Palacio da Pena, o que corresponden as duas fotos. Pero ten moitas mais cousas que ver: o Castelo dos Mouros, Palacio Nacional, Palacio de Monserrate, Convento dos Capuchos...

Ademais do que podedes contemplar nas fotos, o Palacio ten uns xardins enormes que da gusto pasear por eles. Dentro do edificio hai unha parte que conserva as estancias e os mobles dos reis, o malo foi que non nos deixaban sacar fotos. No século XIX era unha das principais residencias da familia real, e paseando polos xardins podemonos imaxinar como vivian os "ricos" da época.

Foi o mais salientable do dia, xa que a tarde a dedicamos o camiño de volta...

Agora toca esperar e planificar o fin de semana do 1 de maio, que xa que somos traballadores, haberá que festexalo.